പ്രമുഖ പൊതുമേഖല ബാങ്കായ എസ്ബിഐയുടെ ലാഭത്തിൽ ഇടിവ്. മാർച്ചിൽ അവസാനിച്ച നാലാം പാദത്തിൽ മുന്വര്ഷത്തെ സമാന കാലയളവിനെ അപേക്ഷിച്ച് അറ്റാദായത്തില് 10 ശതമാനത്തിന്റെ ഇടിവാണ് രേഖപ്പെടുത്തിയത്. മാർച്ച് പാദത്തില് 18,643 കോടി രൂപയാണ് എസ്ബിഐയുടെ അറ്റാദായം. 2023-24 ജനുവരി-മാർച്ച് കാലയളവിൽ എസ്ബിഐ 20,698 കോടി രൂപ ലാഭം നേടിയിരുന്നു.
എന്നാൽ മാർച്ച് പാദത്തിൽ മൊത്തം വരുമാനം 1,43,876 കോടി രൂപയായി വർദ്ധിച്ചു, കഴിഞ്ഞ വർഷം ഇതേ കാലയളവിൽ ഇത് 1,28,412 കോടി രൂപയായിരുന്നു. ഈ പാദത്തിൽ ബാങ്ക് 1,19,666 കോടി രൂപ പലിശ വരുമാനം നേടി.
സംയോജിത അടിസ്ഥാനത്തിൽ, എസ്ബിഐയുടെ ഈ പാദത്തിലെ അറ്റാദായം 8 ശതമാനം ഇടിഞ്ഞ് 19,600 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 21,384 കോടി രൂപയായിരുന്നു. എന്നിരുന്നാലും, മൊത്തം വരുമാനം 1,64,914 കോടി രൂപയിൽ നിന്ന് 1,79,562 കോടി രൂപയായി വർദ്ധിച്ചു.