നാലാം പാദത്തില്‍ മികച്ച നേട്ടവുമായി ടി വി എസ് മോട്ടോര്‍

2025 മാർച്ച് 31 ന് അവസാനിച്ച നാലാം പാദത്തിൽ ടിവിഎസ് മോട്ടോർ കമ്പനിയുടെ സംയോജിത അറ്റാദായം 69 ശതമാനം വർധിച്ച് 698 കോടി രൂപയായി. മുൻ സാമ്പത്തിക വര്‍ഷം ഇതേ പാദത്തിൽ അറ്റാദായം 412 കോടി രൂപയായിരുന്നു. ഈ സാമ്പത്തിക വർഷത്തെ നാലാം പാദത്തിൽ കമ്പനിയുടെ മൊത്തം വരുമാനം 11,474 കോടി രൂപയായി ഉയർന്നു, കഴിഞ്ഞ വർഷം ഇതേ കാലയളവിൽ ഇത് 9,899 കോടി രൂപയായിരുന്നു.

2025 സാമ്പത്തിക വർഷത്തിൽ കമ്പനിയുടെ  അറ്റാദായം 2,380 കോടി രൂപയായി വർദ്ധിച്ചു, 2024 സാമ്പത്തിക വർഷത്തിൽ ഇത് 1,779 കോടി രൂപയായിരുന്നു.

കഴിഞ്ഞ സാമ്പത്തിക വർഷത്തിൽ ടിവിഎസ് മോട്ടോർ കമ്പനിയുടെ ആകെ വരുമാനം 44,159 കോടി രൂപയായി ഉയർന്നു. 2023-24 സാമ്പത്തിക വർഷത്തിൽ ഇത് 38,885 കോടി രൂപയായിരുന്നു.

വാഹന വിൽപ്പന 

2025 മാർച്ചിൽ അവസാനിച്ച പാദത്തിൽ ഇരുചക്ര വാഹനങ്ങളുടെയും മുച്ചക്ര വാഹനങ്ങളുടെയും മൊത്തത്തിലുള്ള വിൽപ്പന 14 ശതമാനം വർധിച്ച് 12.16 ലക്ഷം യൂണിറ്റുകളായി. 2024 മാർച്ചിൽ അവസാനിച്ച പാദത്തിൽ ഇത് 10.63 ലക്ഷം യൂണിറ്റുകളായിരുന്നു. 2024 മാർച്ചിൽ അവസാനിച്ച പാദത്തിൽ രജിസ്റ്റർ ചെയ്ത 49,000 യൂണിറ്റുകളിൽ നിന്ന് 54 ശതമാനം വർധിച്ച് 76,000 യൂണിറ്റുകളായി. 

2024 സാമ്പത്തിക വർഷത്തിൽ ഇരുചക്ര വാഹനങ്ങളുടെയും മുച്ചക്ര വാഹനങ്ങളുടെയും മൊത്തത്തിലുള്ള വിൽപ്പന 13 ശതമാനം വർധിച്ച് 47.44 ലക്ഷം യൂണിറ്റായി, 2023-24 വർഷത്തിൽ ഇത് 41.91 ലക്ഷം യൂണിറ്റായിരുന്നു.

2023-24 സാമ്പത്തിക വർഷത്തിൽ 1.94 ലക്ഷം യൂണിറ്റുകളിൽ നിന്ന് കഴിഞ്ഞ സാമ്പത്തിക വർഷത്തിൽ ഇലക്ട്രിക് വാഹന വിൽപ്പന 44 ശതമാനം വർധിച്ച് 2.79 ലക്ഷം യൂണിറ്റുകളായി.