ആന്റ് ഫിനാന്‍ഷ്യല്‍ പേടിഎമ്മില്‍ നിന്ന് പുറത്തുകടക്കുന്നു

ശതകോടീശ്വരന്‍ ജാക്ക് മായുടെ ആന്റ് ഫിനാന്‍ഷ്യല്‍ പേടിഎമ്മിന്റെ മാതൃ കമ്പനിയായ വണ്‍97 കമ്മ്യൂണിക്കേഷന്‍സില്‍ നിന്ന് പുറത്തുകടന്നു. അതിന്റെ 5.84 ശതമാനം ഓഹരികള്‍ ഏകദേശം 3,803 കോടി രൂപയ്ക്ക് വിറ്റു.

ഓഹരി വില്‍പ്പനയെത്തുടര്‍ന്ന്, വണ്‍97 കമ്മ്യൂണിക്കേഷന്‍സിന്റെ ഓഹരികള്‍ എന്‍എസ്ഇയില്‍ 1.45 ശതമാനം ഇടിഞ്ഞ് 1,062.60 രൂപയിലെത്തി. കമ്പനിയുടെ സ്‌ക്രിപ് ബിഎസ്ഇയില്‍ 1.23 ശതമാനം ഇടിഞ്ഞ് 1,065 രൂപയിലെത്തി.

ആന്റ് ഗ്രൂപ്പ്, അതിന്റെ അനുബന്ധ സ്ഥാപനമായ ആന്റ്ഫിന്‍ (നെതര്‍ലാന്‍ഡ്സ്) ഹോള്‍ഡിംഗ് ബിവി വഴിയാണ് നോയിഡ ആസ്ഥാനമായുള്ള വണ്‍97 കമ്മ്യൂണിക്കേഷന്‍സിന്റെ ഓഹരികള്‍ വിറ്റഴിച്ചത്. മുമ്പ് ആന്റ് ഫിനാന്‍ഷ്യല്‍ എന്നറിയപ്പെട്ടിരുന്ന ആന്റ് ഗ്രൂപ്പ്, ചൈനീസ് കമ്പനിയായ ആലിബാബ ഗ്രൂപ്പിന്റെ അനുബന്ധ കമ്പനിയാണ്.

ഓഹരികള്‍ ഓരോന്നിനും 1,020 രൂപ എന്ന അടിസ്ഥാന വിലയ്ക്കാണ് വിറ്റത്, തിങ്കളാഴ്ചത്തെ എന്‍എസ്ഇയിലെ പേടിഎമ്മിന്റെ ക്ലോസിംഗ് വിലയായ 1,078.20 രൂപയേക്കാള്‍ 5.4 ശതമാനം വരെ കിഴിവ് ഇത് പ്രതിനിധീകരിക്കുന്നു.

ടേം ഷീറ്റ് പ്രകാരം, അടിസ്ഥാന വിലയില്‍, ഇടപാടിന്റെ വലുപ്പം ഏകദേശം 3,803 കോടി രൂപ (ഏകദേശം 434 ദശലക്ഷം യുഎസ് ഡോളര്‍) ആയി കണക്കാക്കുന്നു.

ഗോള്‍ഡ്മാന്‍ സാച്ച്‌സ് (ഇന്ത്യ) സെക്യൂരിറ്റീസും സിറ്റിഗ്രൂപ്പ് ഗ്ലോബല്‍ മാര്‍ക്കറ്റ്‌സ് ഇന്ത്യയുമാണ് ഈ ഇടപാടിന്റെ പ്ലേസ്‌മെന്റ് ഏജന്റുമാരായി പ്രവര്‍ത്തിട്ടത്.

പേടിഎമ്മിലെ ആദ്യകാല നിക്ഷേപകരായിരുന്നു ആലിബാബയും ആന്റ് ഫിനാന്‍ഷ്യലും, 2015 മുതല്‍ 851 മില്യണ്‍ യുഎസ് ഡോളറിന്റെ നിക്ഷേപം നടത്തിയിരുന്നു. പേടിഎമ്മില്‍നിന്ന് ജാക്ക് മാ പിന്മാറുന്നു