ചൈന പ്രധാനമെന്ന് ട്രംപ്; ആറ്ലക്ഷം സ്റ്റുഡന്റ് വിസകള് അനുവദിക്കും
വാഷിംഗ്ടണും ബെയ്ജിംഗും തമ്മിലുള്ള ബന്ധം പ്രധാനമെന്ന് യുഎസ്
യുഎസ് പ്രസിഡന്റ് ഡൊണാള്ഡ് ട്രംപ് ആറ് ലക്ഷം ചൈനീസ് വിദ്യാര്ത്ഥികള്ക്കായി അമേരിക്കന് സര്വകലാശാലകളുടെ വാതിലുകള് തുറന്നിട്ടു. അന്താരാഷ്ട്ര വിദ്യാര്ത്ഥികള്ക്കെതിരായ നടപടികള് യുഎസ് തുടരുന്നതിനിടെയാണ് ട്രംപിന്റെ ചൈനാ പ്രേമം.
വാഷിംഗ്ടണും ബെയ്ജിംഗും തമ്മിലുള്ള ബന്ധം പ്രധാനമാണെന്നാണ് ട്രംപി െന്റ അഭിപ്രായം. ഇത് അദ്ദേഹത്തിന്റെ ഭരണകൂടത്തിന്റെ 'അമേരിക്ക ആദ്യം' എന്ന നയത്തില് നിന്നുള്ള നാടകീയമായ മാറ്റത്തെ സൂചിപ്പിക്കുന്നു.
മുമ്പ്, ട്രംപ് ഭരണകൂടം നിര്ണായക മേഖലകളില് പഠിക്കുന്ന ചൈനീസ് കമ്മ്യൂണിസ്റ്റ് പാര്ട്ടിയുമായി ബന്ധമുള്ള ചൈനീസ് വിദ്യാര്ത്ഥികള്ക്കുള്ള വിസ റദ്ദാക്കുമെന്ന് പ്രഖ്യാപിച്ചിരുന്നു.
'ചൈനീസ് വിദ്യാര്ത്ഥികള്ക്ക് വിസ യുഎസ് അനുവദിക്കും. ആറ്ലക്ഷം വിസകളാണ് നല്കാന് ഉദ്ദേശിക്കുന്നത്. ഞങ്ങള് ചൈനയുമായി യോജിച്ച് പോകാന് പോകുന്നു,' ട്രംപ് ഓവല് ഓഫീസില് നിന്ന് മാധ്യമപ്രവര്ത്തകരോട് പറഞ്ഞു.
എന്നാല്, വാഷിംഗ്ടണിന് അപൂര്വ ഭൗമ കാന്തങ്ങള് ലഭ്യമാക്കുമെന്ന് ഉറപ്പാക്കണമെന്ന് അമേരിക്കന് പ്രസിഡന്റ് ബെയ്ജിംഗിന്് മുന്നറിയിപ്പ് നല്കി, അല്ലെങ്കില് 200 ശതമാനം തീരുവ നേരിടേണ്ടിവരും. എന്നാല് ലോകത്തിലെ ഏറ്റവും വലിയ രണ്ട് സമ്പദ്വ്യവസ്ഥകള് തമ്മിലുള്ള വ്യാപാര സംഘര്ഷങ്ങള് ചൈനീസ് വിദ്യാര്ത്ഥികളെയും അവരെയും ബാധിക്കില്ലെന്ന് അദ്ദേഹം ഉറപ്പ് നല്കി.