ജനപ്രിയ വാഹനങ്ങളുടെ വില കുറച്ച് ടാറ്റയും മഹീന്ദ്രയും

ഡിമാന്‍ഡ് ഉത്തേജിപ്പിക്കുന്നതിനായി ഓട്ടോമൊബൈല്‍ പ്രമുഖരായ ടാറ്റ മോട്ടോഴ്സും മഹീന്ദ്ര ആന്‍ഡ് മഹീന്ദ്രയും (എം ആന്‍ഡ് എം) അവരുടെ ജനപ്രിയ വാഹനങ്ങളുടെ വില കുറച്ചു. ഡീലര്‍മാരില്‍ ഏകദേശം 60,000 കോടി രൂപയുടെ ഇന്‍വെന്ററികളാണ് വിറ്റഴിക്കാതെ കിടക്കുന്ന സാഹചര്യത്തില്‍ ഡിമാന്‍ഡ് ഉത്തേജിപ്പിക്കുന്നതിനായി കമ്പനികള്‍ സ്വീകരിച്ച നടപടിയാണിത്.

മണ്‍സൂണ്‍ സീസണും വാഹന വില്‍പ്പനയെ ബാധിച്ചേക്കാം. എം ആന്‍ഡ് എം 2.05 ലക്ഷം രൂപ വരെ വില കുറച്ചപ്പോള്‍ ടാറ്റ മോട്ടോഴ്സ് തിരഞ്ഞെടുത്ത മോഡലുകളില്‍ 70,000 രൂപയും ജനപ്രിയ എസ്യുവി വേരിയന്റുകളില്‍ 1.4 ലക്ഷം രൂപ വരെ ആനുകൂല്യങ്ങളും കുറച്ചു.

ഉത്തര്‍പ്രദേശ് ഗവണ്‍മെന്റ് ഹൈബ്രിഡ് കാറുകളുടെ രജിസ്‌ട്രേഷന്‍ ഫീസ് ഒഴിവാക്കി. അവയുടെ ഓണ്‍-റോഡ് വിലയില്‍ 4 ലക്ഷം രൂപ വരെ കുറവ് വരുത്തി ഒരു ദിവസത്തിന് ശേഷമാണ് ഇത് വരുന്നത്.

ജൂലൈ 10 മുതല്‍ നാല് മാസത്തേക്ക് പ്രാബല്യത്തില്‍ വരുന്ന രീതിയിലാണ് മഹീന്ദ്ര പദ്ധതി പ്രഖ്യാപിച്ചത്. എസ് യു വി 700 എസ്യുവിയുടെ എല്ലാ എഎക്‌സ് 7 വകഭേദങ്ങള്‍ക്കും പ്രത്യേക എക്സ്-ഷോറൂം വില പ്രഖ്യാപിച്ചു. എഎക്‌സ് 7 ശ്രേണി ഇപ്പോള്‍ 19.49 ലക്ഷം രൂപയില്‍ ആരംഭിക്കുന്നു, മുമ്പത്തെ വില 21.54 ലക്ഷം രൂപയായിരുന്നു. കൂടുതല്‍ ആകര്‍ഷണീയത വര്‍ധിപ്പിക്കുന്നതിന്, എം&എം രണ്ട് പുതിയ കളര്‍ ഓപ്ഷനുകള്‍ അവതരിപ്പിച്ചു.

വില്‍പ്പന വര്‍ധിപ്പിക്കുന്നതിനായി ടാറ്റ മോട്ടോഴ്സ് അതിന്റെ മുന്‍നിര എസ്യുവികളായ ഹാരിയര്‍, സഫാരി എന്നിവയുടെ വില കുറച്ചു. ഇപ്പോള്‍ പ്രാരംഭ വില യഥാക്രമം 14.99 ലക്ഷം രൂപയും 15.49 ലക്ഷം രൂപയുമാണ്. ഈ വിലക്കുറവുകള്‍ക്കൊപ്പം, ജനപ്രിയ എസ്യുവി വേരിയന്റുകളില്‍ ടാറ്റ മോട്ടോഴ്സ് 1.4 ലക്ഷം രൂപ വരെ ആനുകൂല്യങ്ങള്‍ വാഗ്ദാനം ചെയ്യുന്നു.

നെക്‌സോണ്‍ ഇവി പോലുള്ള ഇലക്ട്രിക് വാഹനങ്ങള്‍ക്ക് 1.3 ലക്ഷം രൂപ വരെയും പഞ്ച് ഇവി ഉപഭോക്താക്കള്‍ക്ക് 30,000 രൂപ വരെയും ആനുകൂല്യങ്ങള്‍ ലഭിക്കും. ഈ ഓഫറുകള്‍ ജൂലൈ 31 വരെ സാധുവാണ്. ഇന്ത്യയില്‍ 2 ദശലക്ഷത്തിലധികം എസ്യുവികള്‍ വില്‍ക്കുന്നതിന്റെ നാഴികക്കല്ല് കാര്‍ നിര്‍മ്മാതാവ് ആഘോഷിക്കുന്നതിനിടെയാണ് ഈ പ്രഖ്യാപനം വന്നത്.