മേയ് മാസം വൈദ്യുതി ബില്ലില്‍ സര്‍ചാര്‍ജ് വര്‍ധന
- ഏതാനും ദിവസങ്ങള്‍ കൂടി നിയന്ത്രണം ഏര്‍പ്പെടുത്തിയതിനു ശേഷമുള്ള കണക്ക് വിലയിരുത്തിയതിനു ശേഷം വൈദ്യുതി നിയന്ത്രണം തുടരണോ വേണ്ടയോ എന്നു തീരുമാനിക്കും
- 6 മാസമായി 9 പൈസയാണ് സര്‍ചാര്‍ജ്ജായി ഈടാക്കിയിരുന്നത്
- താപനില ഉയര്‍ന്നു നില്‍ക്കുന്നതിനാല്‍ വൈദ്യുതി ഉപഭോഗവും ഉയരുകയാണ്
മേയ് മാസം വൈദ്യുതി ബില്ലില്‍ യൂണിറ്റിന് സര്‍ജാര്‍ജ്ജായി 19 പൈസ ഈടാക്കാന്‍ കെഎസ്ഇബി തീരുമാനിച്ചു.
മുന്‍ കാലത്തുള്ള നഷ്ടം നികത്താന്‍ വൈദ്യുതി റെഗുലേറ്ററി കമ്മിഷന് കെഎസ്ഇബി അപേക്ഷ സമര്‍പ്പിച്ചിരുന്നു. ഇത് പരിഗണിച്ചതോടെയാണ് സര്‍ചാര്‍ജ്ജ് വര്‍ധിപ്പിക്കാന്‍ തീരുമാനമായത്.
6 മാസമായി 9 പൈസയാണ് സര്‍ചാര്‍ജ്ജായി ഈടാക്കിയിരുന്നത്. ഇതാണ് ഇനി മുതല്‍ 10 പൈസ വര്‍ധിപ്പിച്ച് 19 പൈസയാക്കുന്നത്.
താപനില ഉയര്‍ന്നു നില്‍ക്കുന്നതിനാല്‍ വൈദ്യുതി ഉപഭോഗവും ഉയരുകയാണ്. ഇതേ തുടര്‍ന്നു മേയ് 3 മുതല്‍ ലോഡ് കൂടുന്ന പ്രദേശങ്ങളില്‍ നിയന്ത്രണം ഏര്‍പ്പെടുത്തുകയും ചെയ്തിട്ടുണ്ട്.
എന്നാല്‍ ഇത് ചിലയിടങ്ങളില്‍ ജനരോഷം ഉയരാന്‍ കാരണമായിട്ടുണ്ട്. എങ്കിലും നിയന്ത്രണം ഏര്‍പ്പെടുത്തിയതോടെ ഉപഭോഗം കുറഞ്ഞിട്ടുണ്ടെന്നാണ് വിലയിരുത്തല്‍. മേയ് 3 ന് 200 മെഗാവാട്ട് വൈദ്യുതി ഉപഭോഗമാണു കുറഞ്ഞത്.
അടുത്ത ഏതാനും ദിവസങ്ങള്‍ കൂടി നിയന്ത്രണം ഏര്‍പ്പെടുത്തിയതിനു ശേഷമുള്ള കണക്ക് വിലയിരുത്തിയതിനു ശേഷം വൈദ്യുതി നിയന്ത്രണം തുടരണോ വേണ്ടയോ എന്നു തീരുമാനിക്കും.